Pidgin Sports

 Nigeria Footballers, Victor Osimhen and Adeleke Lookman dey hot for Serie-A now as na dem don get goals wey plenty pass for di league dis season.  Osimhen don score 13 goals and Lookman bin get 11, di guy din add 1 join today to make am 12. E con bi like say do two of dem dey pursue each oda on top dis goal mata. Di competition make sense as e make everybodi put eye for Naija sports Mata as dem wan find out more about dis guys wey dey do wonder tins to Italy football.

Manchester City Manager, Pep Guardiola don dey drop key points say if di star boys wey dey di team no wan hear him correction make den align, him go bounce comot as Manager. Him say him stars for Manchester City no get di kain hunger wey dem fit take remove Arsenal from top position even after Dem win Tottenham 4-2 afta dem bin dey 2-0 down for Tottenham hand before dey con score equalizer com still win. Guardiola wey don win 4 Premier League titles with Manchester city for di 5 years wey him don spend for di club. Him say na small tin to Waka, resign from di job as dat one go maintain him record make anybody no for fit spoil him record.

 Di world, especially football lovers enta state of cry cry for December 29, 2022 as soccer legend, Pele cross over to him ancestors side. Pele bin born 6 pikin wit 3 different women but e con get di 7th one wey di man bin don  deny for him whole life say, no bi him get am. Di name of di woman wey bi say she sef don die, don show inside Pele will. As ESPN drop di gist, Pele bin get afair wit him housemaid, Anizia Machado  that year for 1963, wey she take born her pikin, Sandra Regina. Pele deny di woman say no bi him daughter till 2006 wey she die. Even as e bi say for 1991, court stamp am say na Pele pikin she bi, Pele still no gree, mata con show now say di woman two pikin name dey part of who go inherit Pele property. As Express news yarn, di 3 times world cup winner last wish na say make e for fit use him eye see him daughter pikin dem and e see dem a day before him finally die. Di name of di two son wey di woman born na Octavio Felinto Neto and Gabriel Arantes do Nascimento Gabrie

 Pep Guardiola wey bi Manager for Manchester City do warn di starts wey dey di club make Dem dey careful make e nor bi say dem no dey top 4 for Premier League dis season. As e dey go now, if dem no careful, dia hope say at all at all, top 4 go sure fit no happen as dem dey tink am o. Manchester City go meet with Tottenham on Thursday to see if Dem fit still dey line to contend for di league as Arsenal don leave Dem troway. As Manchester United flog City last weekend, e make Arsenal dey lead Dem wit 8 points. Tottenham wey dey 5th position fit dey 3 points behind Manchester City if Tottenham go by mistake win for dia meeting for Etihad. Na dis tin dey fear Guardiola make e no bi say dem go con dey struggle to dey top 4 as di gaps dey slim between di teams Dem. Guardiola confess say dis season one bi like say naim tough pass since him don dey as Manager for Manchester City.

For di last one week na from one beating or di oda Chelsea dey move from. Na Man-City fess start to dey deal wit dem, Dem first beat dem for home for EPL game,1-0. Na Mahrez score di only goal for dat game wey happen for 63 mins and Man-City collect full 3 point for Chelsea hand inside Stanford bridge. E no too tey again, di two of dem meet for 3rd round of FA, e con bi like say dem use Man-City dey torment Chelsea. Naim Man-City nak dem again but dis time, na 4 goals City put for Chelsea lap. Dem no even pity say e go get how Chelsea fans or di club go feel, Dem make sure say dem beat Chelsea two times within 4 days Dis time Mahrez score two times as Alvarez and Phil Foden add one one join. As all dis tins dey happen, Fulham jus peng for one side unto say na dem bi Chelsea next game o. Hope say Chelsea no go carry dia grudge wit Manchester City con meet Dem for London like dis. But as Fulham dey reason am, Dem dey plan too, even Chelsea dey get mind say dem go use Fulham wipe yansh ma

Tori bin comot say Naomi Osaka no go join Australian Open of 2023. Even as e bi say for di Tori, dem no tok why she no go show . Na she by her hand con tok di reason why e bi say she no go fit show for dis year Australia Open until 2024 Naomi Osaka don get belle and she dey expect baby, na why she no show for the competition. She put di mata comot for her Twitter handle wit picture of scan to take show say, di tennis don enta her bodi o. We dey wish her safe delivery and we say Congratulations Naomi.

 Gareth Bale wey don win Champions League five times don retire from football few weeks afta e captain him country, Wales go dia first World cup since 1958. Make we show una some pictures of how Bale Career take bi. Bale score for him first game for Tottenham Hotspur for dia London derby against Fulham for September 1, 2017. Bale play him first game for Wales for 2006 against Trinidad and Tobago. Bale celebrate one of him two goals against Scotland for Cardiff for 2014. Bale as him score freckick for Euro 2008 Bale for line for him debut for Tottenham against Manchester United for summer of 2007. Bale score against Westham for White hart lane for 2008. Bale wit him PFA Player of di year award and PFA young player of di pear award as di wan make am one of di only two pipo wey go run dis kain tin. Bale dey celebrate afta him score for him Madrd debut against Vallarreal. Bale Score against Liverpool for 2018 Champions League Final wey make Madrid win 3-1. Bale return go Tottenham on top l

As Ronaldo move go Al-Nassr, him don dey try influence di transfers wey di club go do. Ronaldo don dey use him influence take dey demand make di Saudi club sign him former teammate wey dem bin dey Madrid togeda. Ronaldo don sign wit Al-Nassr reach 2025. Him don ask him new club make Dem sign former Madrid defender, Pepe. Di legendary former Madrid forward don use him influence move Al-Nassr social media following as dia Instagram alone don dey near 10 million followers. Him don wan use di link bring him former comrade wey dem play togeda for Santiago Bernabeu for 8 years wey bi say den win 2 La-Liga and 3 Champions League togeda. Na priority for Al-Nassr bi di signing of Pepe as e bi now but

 Naomi Osaka wey bi two time champion don pull out of di Australian open as organizers announce on Sunday say  wetin she no go dey part of Australian open wey go start on January 16 and Dem no really explain why e bi so. Naomi Osaka don withdraw from do Australian open. We go miss am for #A02023 na so di Australian Open official handle tweet di message.

 E dey reach our say France Captain, Hugo Lloris don announce say time don reach for say make him for retire leave international football for people wey dey him back. Lloris wey bin captain di French national team for di world cup wey dem win for 2018 still captain dem reach final of di one wey happen for last year for Qatar wia Argentina win dem unto penalty mata. Lloris bin dey dream make him bi di first captain wey go win world cup back to back but dem Messi Argentina no gree am. Di guy don kukuma leave international football say, I don try!

 Dem don release di pictures of di posh house wey Ronaldo dey stay for inside Saudi Arabia. Di house get 8 bedrooms, 1 restaurant and 1 Olympic size swimming pool. Ronaldo family go enjoy luxurious lifestyle for inside Saudi Arabia afta di soccer star sign wit Al-Nassr football club. Di pictures of di mansion wey Ronaldo go dey live for Riyadh don show face online. Dem welcome di 37-year-old like king afta him sign deal of 175 million pounds with Al-Nassr football club. Ronaldo wit him girlfriend, Georgina Rodriguez, plus him five children don land for di Islamic country of Saudi Arabia. According as news agency marca yarn, Ronaldo and him girlfriend don see beta house stay for Saudi Arabia for dia 2 years of di contract. Report say di house worth 12.2 million euros. Di house get 8 bedroom, Olympic size swimming pool, e still get water fall and plenty green space.

 Thiery Henry wan bi next wey go replace Roberto Martinez as Belgium National team head coach. Henry don dey as assistant coach for two world cup under Martinez, for 2018 and 2022. Martinez resign from di position afta Belgium disqualify for inside world cup last year for Qatar. Thiery Henry wan take over as di position don dey vacant and him don relate di mata to di Belgian football authority make Dem sabi wetin dem him mind. As di mata bi, Henry no mind make dem reduce him salary as Martinez bin dey flex wit salary of €2.65m per year for the role. We hear am say di former Arsenal forward bin collect €88,500 for him first year as salary and him donate di whole money for charity. Henry don get experience as Head coach for Monaco and and Montreal impact ( wey bi CF Montreal now)

 Chelsea don still continue dia collection ceremony as na Man-City give dem dis time. E don reach 8 games now wey bi say na only one game Chelsea see 3 full points. Na inside second half for 63 mins Mahrez run di mata to out city in front for inside Stanford bridge. Stanford bridge no con get respect again as na anybodi fit leak Chelsea pant for dia. Chelsea bin try to make tins happen but dem no too dey lucky for di game. Highlight

 Newcastle hold Arsenal for draw as dem no allow dem arrange 3 points untop dia head. Even as e bi so, Arsenal still dey untop di league table dey lead everybodi wit 8 points as Man-U  hustle to stand for top 4 for Premier league table.don happen. Mikel Arteta boys bin get advantage for most of di match but dem no see Newcastle defense break. Newcastle wey bi say for dis season, na only 1 game dem don lose, some pipo even dey tok say dem fit bi Premier League Champions dis season. Both Arsenal and Newcastle bin get penalty appeal but di referee no look dia side. Nketiah sef bi wan score for di final period of di game but Newcastle goal keeper, Nick Pope no allow am. Na di first time dis season wey Arsenal no see goal score for game bi dis.

Cristiano Ronaldo naim bi headline planyer afta dem confam him move to Saudi Arabia club. Ronaldo go bi di player wey collect money pass for world for anytin wey concern sports as him go dey play for Al-Nassr. Di mata go make Ronaldo join bodi wit Vincent Aboubakar, wey bi Cameroon start of 2022. African fans don dey chuk eye untop as C-Ronaldo enta Saudi Arabia league as him don become di biggest player for inside Saudi professional league afta Al-Nassr sign am. Ronaldo and Aboubakar go dey team up for front side to destroy any team wey dem face for dia upcoming match dem.

 Al-Nassr wey jus sign C-Ronaldo for 2year contract wey enta €200M per year don dey feel di positive wave of fans wey don dey like dem unto how C-Ronaldo join di club. Di club wey no too get followers ontop Twitter before don enta over 6M followers since dem announce say C-Ronaldo don join dem. Dia followers don pass followers of some big clubs for Europe like Napoli, Aston Villa, Everton and Valencia.

 Chelsea Coach, Graham Potter don dey face different criticize untop game wey happen yesterday and especially for him comment afta di game. Potter don dey shake even as e bi say na 5 year deal him sign wit Chelsea, fans don dey complain as some don  already dey compare am wit Former Chelsea boss, Thomas Tuchel, say Tuchel no bad reach like dis. Na 1 game Chelsea don win for dia last 7 games and dia results dey worry everybodi wey di mata concern. Anoda gist dey circulate say Chelsea board don dey reason how dem wan sack Potter if di guy no improve. Di games wey dey Chelsea front dey down so ..and as e bi many fans dey fear if Chelsea go even fit make top 4 for dis season. Different fans don dey shout say make dem sack am, as some dey tok say na feeders team Potter suppose dey coach. Fans of oda teams dey happy as dem believe say di games wey dey front for Chelsea bi like judgement day for dem.

 Chelsea don start to dey struggle for dia game for 2023 as dia first game wey happen yesterday wit Nottinham Forest end for draw. Sterling fess put Chelsea Infront for 16min as dem lead for first half and Nottinham Forest equalize dem wit goal for inside 63min to make di game 1-1 draw. Chelsea Neva win pass 1 game for dia last 7 games as dia next game na against Man-City and dey need to try well to take see point for dia upcoming games dem. Ontop league table now Chelsea dey 8 position.

 Aston villa nor allow Tottenham climb enta top four for Premier League as mistake from Hugo Lloris make di north London team lose 2-0 afta di guy play for di first time since Argentina win France for World cup final. Dem bin leave Lloris for bench for dia game against Brentford wey dem play for December 26 as dem rest am unto say France jus lose World cup final for Qatar.  Di guy for wish say make dem still rest am small.