Pidgin Sports

 Liverpool fans wey enta coma yesterday go pass wetin di hospitals wey dey di city go fit handle. Match start for dia favor as dem don already score 2 goals inside 14 minutes. For dia mind, "di road don clear!" Madrid allow dem perform finish as dem dey settle to enjoy do fruit of dia labor like dis, naim Madrid begin pump dia eye wit goals. Madrid no stop until dem make sure say na 5 beta goals dem load Liverpool. Liverpool no believe am, e bi like juju for dia eye. Vinicius Jnr start di goals for Madrid wit him fine strike before dem open floodgates of goals untop Liverpool head. Madrid use dat one show dem say no bi only for final we fit flog una o. Even for Anfield, we go flog una like who no get papa.   Highlight dey here so

 Osimhen wey dey hot for sometime now don enta anoda level as e don first Cristiano Ronaldo and Lionel Messi for one statistics wey dey ground. Before Christiano Ronaldo score him first 100 career goals, di guy don play 301 games. Before Lionel Messi score him first 100 career goals, di guy play 210 games. But Victor Osimhen enta di league of men wey quick score 100 career goals  afta e score him own for inside 197 games. Naim bi say as e bi now, Osimhen na goal scoring machine.

 Tins neva balance for Chelsea since Graham Porter start to manage di team since September, 2022. So far for dis year, na only 6 points Chelsea don see arrange as dia last 3 games end for draw. John Terry wey bi Chelsea legend and former English player don warn Porter as dis results wey dey show no encourage anybody. Chelsea wey bi dey eye top 4 position for EPL no smell anytin wey near dat side. Dia level for table now na 9th position dem dey and if dem continue like did, even Europa, dem no go smell next season, except say, dem win Champions League. Terry wey put am for him Instagram as e dey respond to person wey ask am of naim epp Porter find Chelsea work. Him say "di results no make sense now and Chelsea need to make sure say di team settle" Since Porter enta Chelsea, di team don dey struggle and dem go still even need to arrange demself for dia Champions League match against Borussia Dortmund

 Ademola Lookman, di star boi wey get big doings for Atalanta football club don yarn o. Him say him no get any regret at all unto how him take choose say na Nigeria national team him wan play for, no bi England own. Him say, even as e bi say na England dem born am, him family na from Nigeria and him get beta bond wit di two country dem. Di 25 year old go resume play wit di super eagles for dia AFCON qualifiers. Even as e bi say him bin don play for England for youth level, di guy snub dem for senior team say na Naija sure pass for am. So far for di super eagles, Lookman don play six games wit one goal.  Him say dis decision, him don tink am well say naim good for him career to move toward. Na wetin him yarn bi dis: “ I have no regrets; I took the right decision. This is my career. I want to play for Nigeria and am proud of this. I was born in England, but my family is from Nigeria and I have a strong bond with both countries .” 

 One account for twitter wey di username bi Aston Villa police don yab Manchester City for post wey e drop until twitter. We go remember say Manchester City dey face some kain gbege unto financial crime mata wey dey dia neck. Manchester City fans nor dey always represent for dia stadium wen dem get games. Dia coach Pep Guadiola don complain untop di mata taya as e dey always try to encourage dia fans make dem dey show up. Even for big champions league games sef, dem no dey show face like DAT, na why dem con give di stadium nick name 'Emptyhad' instead of 'Etihad' Dis yabbin from Aston villa police dey land unto say Manchester City wit Aston villa get match dis weekend for Etihad. See di yabbin....

 Di patience wey Juventus get wit Paul Pogba bi like say e no tight again o as di club dey reason to sell di guy. As mata bi now, Paul Pogba, Juventus management and even dia fans no too sweet as we dey yarn so. Even as e bi say na 4 year contract Juventus bin sign am dem don dey find how to drop di guy after jus 6 month wey him don spend. Nor bi dis kian reunion di club plan wen Pogba come back to dia team as di guy neva really play any main match for Juventus cos of injury mata. Since e enta Turin back, di club no like him behavior. Pogba carry injury for preseason match, him and di club con get kwanta on whether e go do surgery or not but Pogba say him no do make e for fit play for world cup. Him lata go do di surgery wey make am miss di world cup wia France enta final. Since di season start na bench Pogba dey small time after, di manager of Juventus announce say Pogba don get anoda injury. Afta him don surgery finish, Pogba post video of where e dey ski, dey flex. Di video cause wa

 Enzo Fernandez dey bi Chelsea latest signing don yarn say mata don start bi dat o and wen him score him first goal, him go celebrate am like Odion Ighalo. Chelsea fans dey scatter ground wit jubilation since di club sign Fernandez. Chelsea bin dey struggle for inside Premier League dis season, na why den even sign Fernandez. According as do video wet Chelsea FC post for dia social media, Enzo yarn say him dey happy say him dey come Premier League from Benfica. Fernandez yarn say wen him score, him go face heaven, and na Orion IG halo dey celebrate goal wit dat kain style. Side gist Make we tell am? Bia Enzo, na premier league you dey come so o. We know say you dey happy say den sign you unto say you dey try. But premier league nor bi like wia u dey come from o. Di defenders dey dey here no get joy! Den dey break leg like kolanut here. Anyways!! Welcome to Premier League! "Bia" for Igbo language mean "Come"

 Paris Saint-Germain don retain dia leading as oga of di table for di 3-1 win wey dem win against Montpellier on Wednesday. But e wan con bi like say dia evening dull as dia star man, Kylian Mbappe carry injury for di game. Mbappe see penalty for 8 minutes wey Montpellier keeper, Benjamin Lacomte catch as him second attempt still no enta after di referee say make him replay the penalty. As first half dey near middle naim Mbappe limp comot as e signal him PSG people make den change am sharply. E bi like say na hamstring injury di guy jus carry so and dia UEFA Champions League game against Bayern Munchen go happen for two weeks time. Na just one game PSG don win for dia last four games. Dia game yesterday still cost dem Sergio Ramos wey still carry injury and dem disallow 2 of dia goals before Fabian Ruiz score to make sure say dem dey front for inside 10 mins for second half. Small time after naim Ruiz set beta pass for Messi wet score to make am 2-0 before 16 year old, Warren Zaire-Eme