10 footballers wey dey collect money pass for world, Messi na 3rd and Ronaldo na Second.

 As we don know say football dey pay well especially as e bi say na big oil company owners, Royal famailies dem, oda  overbig pipo dey buy football clubs now. 

Money wey dey football don pass wetin calculator fit calculate as di game don too popular sotey big companies chuk eye dey run sponsorship untop di mata steady.

For dis post we go dey show di top 10 footballer for world wey collect money pass both for salary and endorsement deals join. Dis report na from one ogbonge  sports pipo finance analyzer, wey im name bi Kurt Badenhausen of Sportico. Di figures na as Sportico report am for USD.

***All di salary wey dey dis report na yearly*** 

10. Antoine Griezmann- $27.5m ($22m Salary, $5.5m endorsements)



Griezmann dey one kain tight corner now.

One clause wey dey di contract wey Atletico sign to take am back from Barcelona ontop loan say if im play pass half of di games wey dey available for di whole two year loan, Atletico go need to pay €40million to sign am permanently. Di clause explain say, wetin dem mean by playing game na to play 45 minutes or more dan am.

Becos of dis clause so, Atletico no dey use am pass 30 minutes or for extra time as dem dey try negotiate wit Barca about di clause again.

Dis mata nor too sweet as e no dey get time to play well and show talent but even as e bi so, Greizmann still dey pocket $22million dollars salary. 


9. Kevin De Bruyne - $29m ($25.5m salary, $3.5m endorsements)



De-Bruyne na one of di players wey dey try well for football mata and di club wey e dey play for na dem Arab royal family get am. Im dey pocket $25.5milliom salary.

8. Raheem Sterling - $29.4m (21.4m salary, $8m endorsements)



Even though Sterling salary no reach De-Bruyne own for Man-City and e no still reach for Chelsea, wey bi im new club. But one tin wey put Sterling for front na say e dey more marketable pass De-Bruyne.

Sterling get mature deals wit New balance for shoes and Apple for any gadget.


7. Andres Iniesta - $30m ($23m salary, $7m endorsements)



Dis one shock small but di guy na big man for Japan.

Iniesta wey bi before before star for Barcelona don dey play for Vissel Jobe since 2018 con still sign new contract for 2021 say im go dey di club till 2023. If you reason di salary wey dem dey give am, e clear why im stay.

Di guy get beta endorsements too wit Nissan, Konami and odas.


6. Eden Hazard - $31.1m (28.6m salasy, $2.5m endorsements)



Dis Madrid wey Hazard go for £103m, we sure say e no plan am like this, as e bi say na only 7 goals di guy don score for more dan 3 season wey e don dey dia . Even last season Champions League final, na bench e dey dey watch. Dat kain tin dey pain.

Madrid dey like to dey pay big money even give player wey no too dey show for game. Anyway, na only dem know why.


5. Mohamed Salah - $39.5m (24.5m salary, $15m endorsements)



Salah wey bi say e dey one of di best forward for football for di world sign new 3 year deal wit Liverpool for august wey make di money wey im go dey collect bi £350,000 per week!

As im level bi, e don attract many sponsorship wit companies like Adidas, Pepsi, Vodafone plus join Uber.


4. Neymar - $91m ($56m salary, $35m endorsements)



We don enta into di big squad. Di gap wey dey from dis last four and di odas long pass Niger bridge.

Neymar wey dey play for PSG wey get one of di biggest salary for sport worldwide. Im salary bi di numba 3 highest for PSG.

For January of 2022, Neymar use over $1m of crypto to buy 2 bored ape NFT. 


3. Lionel Messi - $110m ($62m salary, $48m endorsements.



Messi wey don top dis kain list for some time don drop go third.

Even as dat one bi so, im still get mature endorsements for watch, fizzy pop, telecoms, sportwear, sports drinks, video games and beer. Messi bi no 2 highest for PSG wey collect money pass.

2. Christiano Ronaldo - $113m ($53m salary, $60m endorsements)



Ronaldo naim get followers pass any sportsperson, artist or celebity for di whole world. 481million pipo dey follow am untop Instagram.

Ronaldo endorsements pass im salary! Bi like di guy bi more of celebrity pass footballer now as age don dey tell on am wit im performance wey no too pure for dis im second coming to Man-U.


1. Kylian Mbappe - $125m ($105m salary, $20m endorsements)



Dis na di first time for more dan 10 years wey persin go comot Messi and Ronaldo for di highest level of money collection for football. Na French wonder-pikin wey bi Messi teammate for PSG run am.

Mbappe tell New York Times say French Presido, Emmanuel Macron convince am personally make im no go Madrid for summer transfer.

Mbappe yarn say " Presido tell me: 'i no wan make u comot now, u dey important for di country'. When di presido, tell persin dat kain tin, e dey carry heavy weight".

We reason am say di $105m a year contract wey PSG put for im table sef carry super heavy weight.😁







Dis gist na planetfootball.com we for bring am to una. 










All di translation for pidgin na work of pidginsportsnews.blogspot.com and we reserve all our rights.


Comments

Post a Comment

Gists wey hot pass

Chelsea name go change to 'London cowboy'?

Image
 News don dey fly around o, say Chelsea new owner, Todd Boehly yarn say den don finally agree to change di name of di club wey e don dey bear for over 118 years now to London Cowboys. From  Go con bi Dis gist don scatter all social media dem including twitter wey e bi like say na dia di tin for hot pass. Oda big club fans don dey laugh Chelsea wit different name, Some say na Cow FC, Maalu FC, Animal FC and different names wey oda fans don plan to dey call Chelsea. According to di gist wey dey fly. Dis name go change from next season wey bi 2023/2024 season, Boehly even add say di stadium name go change to Boehly bowl. If dis name change turn real and dem no roast Chelsea fans especially for we obodo Nigeria, make i know wetin cause am!
Read more

Wetin happen for English Premier League today with Highlight

Image
For di matches wey dem play fo EPL today, almost all di teams wey dey for home win dia game wit plenty goals sef. Na only one team dem con beat for home. Na di results bi dis: Chelsea vs Wolves Since Chelsea don change dia Manager e bi like say dia game improve as dem don dey show dia muscle well. Anoda win for dem na today wey dem crush Wolves 3-0 dis afternoon for Stamford Bridge.  Na Harvetz, Pulisix and Broja gather bodi do Wolves strong tin. Newcastle vs Brentford Today na shower of goals for teams wey dey home as Newcastle no get pity untop Brentford at all. Newcastle first drop 2 goals before Brentford return 1.  Na wetin vex Newcastle to add anoda 2 join before Pinnock score own goal against him team (Brentford) to make di goals con bi 5-1. Bournemouth vs Leicester Leicester dey part of di teams wey see shege today.   Leicester wey bi say na dem first score for 10 mins for di game collect 2 goals for Bournemouth hand for inside second half. Di game finally end for 2-1 as Billin
Read more

Christiano Ronaldo always dey dey happy wen e dey play for Portugal

Image
 Christiano Ronaldo always dey dey happy wen e dey play for Portugal and im problem for Manchester United no go affect dia hope for world cup naim teammate Joao Mario yarn dis one. Di superstar wey blast Manchester United for interview wey im do before world cup start tok say, di club fall im hand and im no get any respect for Man-U manger, Erik ten hag. Ronaldo wey bi 37 years don readi to lead Portugal for di world cup  wey dey happen for Qatar and e bi like say naim last world cup bi dis. Ronaldo dey always dey happy wen e dey National team Joao Mario wey bi Benfica midfielder tell Reuters afta dia tainig for Lisbon. "I see am yesterday and e dey very fine as e sey always dey" e even tell me say "im happy to dey here" and im focus na on di national team
Read more