Foden don break Messi record

 Phil Foden don break one make sense record as di youngest player wey go score 50 goals under Pep Guadiola wit di 2 goals wey im score for first half against Man-U for dia match dis afternoon.

Na Messi bin hold dis record before as di youngest wey score 50 goals under Pep Guadiola. Foden age as im score today na 22 years, 127days and Messi own wen e do am na 22 years, 162 days for age.

As di second goal wey im score from counter attack happen, im goals under Pep Guadiola reach 50.

Wetin still make sense bi say Foden score one goal join wey make am hat-trick for di second half wey come make im goals bi 51.