Wetin happen for Champions League yesterday

 Yesterday naim dem play di second set of match dem for Uefa Champions League.

Bi like some teams wey bin dey dull before don dey bounce back.

Na di games and di results dey down so.


RB Salzburg vs Dynamo Zagreb

Salzburg finally ensure say dem no dull mata for dia home yesterday. Even as e bi say Zagreb follow dem drag till 71 mins wey Okafor finally see net to put Salzburg for front of di game and top of di table.


Naim make dem see 3 points. Na dem dey enjoy di top position unto group E table now.


RB Leipzig vs Celtic

Leipzip show Celtic say oga na master and and say u no fit come dia house con dey do anyhow.



As Leipzig score first goal for inside 27 mins, Jota return dia own for Celtic for di first 3 mins inside second half. 

Naim Silver vex say 'ehn ehn, una tink say we dey play abi?' sharpaly, di guy drop two hot goals between 15 minutes. Na so Celtic blood start to dey dry.


Chelsea vs AC Milan

Di oda day we report say one Arsenal legend say im dey pray say make Aubameyang flop


for Chelsea. Bi like say di guy prayer no work o as Aubameyang, wey dem dey call Auba goal for Arsenal dat year, dey part of di 3 guys wey disgrace AC Milan inside Standford Bridge yesterday.

Di vex wey Chelsea dey vex no bi small as dem wan use by force correct dia slow start. We hope say dem go fit sustain am.


Juventus vs Maccabi Haifa

Juventus no waste time at all as dem sharply drop 3 hot goals inside Maccabi bag.

Maccabi sef wan try do small tin as dem return 1 goal, Juventus sharply shut dem up say 'una no know where una dey?'


Real Madrid vs Shakhtar Donetsk

Vinicius Junior and Rodrygo naim do dem Shakhtar strong tin as dey quickly drop 2 goals inside first half.


Before first half finish, Shakhtar sef drop 1 wit hope say dem fit see anoda 1 but Madrid no gree dem. 


Sevilla vs Dortmund

Na jejely Sevilla dey house dey try maintain demselves o, Dortmund no even get chills at all na rush dem rush di goals enta before Sevilla fit catch dia breath, net don tear!


Before Sevilla see road score 1, 3 don already enta. Di last goal enta for 75mins.


Benfica vs PSG

Messi wey bi say dey hot dis season still show am for UCL say im still dey hot o. Na inside first half Messi drop im goal fo di game as Benfica shock!

Na own goal wey Pereira score make Benfica see goal record, if not, na so PSG for jus carry 3 point comot dia bodi.


Man-City vs Coppenhagen

City still dey untop dia hot hot mata as dem begin goal shower for Man-U bodi on sunday. Na Coppenhagen collect dis time as dem drop 5 hot goals inside dia pant.


Di star boi, Haaland sef show im face and im shop unto say 2 out of di 5 goala, naim run am.




Comments

Post a Comment

Gists wey hot pass

Chelsea name go change to 'London cowboy'?

Image
 News don dey fly around o, say Chelsea new owner, Todd Boehly yarn say den don finally agree to change di name of di club wey e don dey bear for over 118 years now to London Cowboys. From  Go con bi Dis gist don scatter all social media dem including twitter wey e bi like say na dia di tin for hot pass. Oda big club fans don dey laugh Chelsea wit different name, Some say na Cow FC, Maalu FC, Animal FC and different names wey oda fans don plan to dey call Chelsea. According to di gist wey dey fly. Dis name go change from next season wey bi 2023/2024 season, Boehly even add say di stadium name go change to Boehly bowl. If dis name change turn real and dem no roast Chelsea fans especially for we obodo Nigeria, make i know wetin cause am!
Read more

Wetin happen for English Premier League today with Highlight

Image
For di matches wey dem play fo EPL today, almost all di teams wey dey for home win dia game wit plenty goals sef. Na only one team dem con beat for home. Na di results bi dis: Chelsea vs Wolves Since Chelsea don change dia Manager e bi like say dia game improve as dem don dey show dia muscle well. Anoda win for dem na today wey dem crush Wolves 3-0 dis afternoon for Stamford Bridge.  Na Harvetz, Pulisix and Broja gather bodi do Wolves strong tin. Newcastle vs Brentford Today na shower of goals for teams wey dey home as Newcastle no get pity untop Brentford at all. Newcastle first drop 2 goals before Brentford return 1.  Na wetin vex Newcastle to add anoda 2 join before Pinnock score own goal against him team (Brentford) to make di goals con bi 5-1. Bournemouth vs Leicester Leicester dey part of di teams wey see shege today.   Leicester wey bi say na dem first score for 10 mins for di game collect 2 goals for Bournemouth hand for inside second half. Di game finally en...
Read more

Christiano Ronaldo always dey dey happy wen e dey play for Portugal

Image
 Christiano Ronaldo always dey dey happy wen e dey play for Portugal and im problem for Manchester United no go affect dia hope for world cup naim teammate Joao Mario yarn dis one. Di superstar wey blast Manchester United for interview wey im do before world cup start tok say, di club fall im hand and im no get any respect for Man-U manger, Erik ten hag. Ronaldo wey bi 37 years don readi to lead Portugal for di world cup  wey dey happen for Qatar and e bi like say naim last world cup bi dis. Ronaldo dey always dey happy wen e dey National team Joao Mario wey bi Benfica midfielder tell Reuters afta dia tainig for Lisbon. "I see am yesterday and e dey very fine as e sey always dey" e even tell me say "im happy to dey here" and im focus na on di national team
Read more