Wetin happen yesterday for Champions League

 As we know say na Tuesdays and Wednesdays na for Uefa Champions League for time wey dem dey play am.

Yesterday, tins happen for different cities for Europe untop Champions League mata.

Make we check am one by one.


Bayern vs Viktoria Plzen

Bayern no get pity at all. Dem jus run over Plzen like wen trailer run over chicken.

Di game dey part of di ones wey get goal pass for all di games wey happen yesterday.


Marseille vs Sporting.

Marseille stand gidigba for dia home say, notin dey happen!

As dem pass first pass, Sporting jus go score. Ha! Wetin happen?! Una no wan calm down abi?

Na so Marseille go open both di windows and doors of goals, use vexation finish Sporting. Red card evn join di gift wey Sporting collect before match end. Bi like say na oversabi kill Sporting.


FC Porto vs Bayern Leverkusen

Di game bi wan tight as nobodi score anybodi for first half. We dey tink say na she dem go dey drag until Sanusi port di first goal inside net for Porto.


Club Brugge vs Atletico Madrid.

Unto say Club Brugge dey house, dem show Atletico small shege.


Atletico no recover till referee blow final whistle. Na so di match end for 2-0.


Napoli vs Ajax.

Dis game brutal. Ajax no show human feeling for di game at all. Dem go visit person for house, beat am like thief wey steal for inside market.


Na dis game get goals pass for all di games wey happen yesterday. Na 6 goala di Visitor's take wile Ajax like oraimo cord for neck.


Inter Milan vs Barcelona.

Inter enta Barca wit 1 goal goal inside first half.



Barca try make e bi say at least draw go sup but inter stand wit dia goal say, 'for here'? Na so di game end 1-0. 


Liverpool vs Rangers.

Arnold and Salah join bodi do Rangers strong tin for dia home yesterday.


As di game dey start for 7 mins, Arnolf first use goal welcome dem come Anfield before Salah com load di final goal of di day enta for 53 mins.


Eintracht Frankfurt vs Tottenham

None of dem gree for each oda o. As di game end for 0-0.



No winner, no senior for di game.

Comments

Post a Comment

Gists wey hot pass

Chelsea name go change to 'London cowboy'?

Image
 News don dey fly around o, say Chelsea new owner, Todd Boehly yarn say den don finally agree to change di name of di club wey e don dey bear for over 118 years now to London Cowboys. From  Go con bi Dis gist don scatter all social media dem including twitter wey e bi like say na dia di tin for hot pass. Oda big club fans don dey laugh Chelsea wit different name, Some say na Cow FC, Maalu FC, Animal FC and different names wey oda fans don plan to dey call Chelsea. According to di gist wey dey fly. Dis name go change from next season wey bi 2023/2024 season, Boehly even add say di stadium name go change to Boehly bowl. If dis name change turn real and dem no roast Chelsea fans especially for we obodo Nigeria, make i know wetin cause am!
Read more

Wetin happen for English Premier League today with Highlight

Image
For di matches wey dem play fo EPL today, almost all di teams wey dey for home win dia game wit plenty goals sef. Na only one team dem con beat for home. Na di results bi dis: Chelsea vs Wolves Since Chelsea don change dia Manager e bi like say dia game improve as dem don dey show dia muscle well. Anoda win for dem na today wey dem crush Wolves 3-0 dis afternoon for Stamford Bridge.  Na Harvetz, Pulisix and Broja gather bodi do Wolves strong tin. Newcastle vs Brentford Today na shower of goals for teams wey dey home as Newcastle no get pity untop Brentford at all. Newcastle first drop 2 goals before Brentford return 1.  Na wetin vex Newcastle to add anoda 2 join before Pinnock score own goal against him team (Brentford) to make di goals con bi 5-1. Bournemouth vs Leicester Leicester dey part of di teams wey see shege today.   Leicester wey bi say na dem first score for 10 mins for di game collect 2 goals for Bournemouth hand for inside second half. Di game finally en...
Read more

Christiano Ronaldo always dey dey happy wen e dey play for Portugal

Image
 Christiano Ronaldo always dey dey happy wen e dey play for Portugal and im problem for Manchester United no go affect dia hope for world cup naim teammate Joao Mario yarn dis one. Di superstar wey blast Manchester United for interview wey im do before world cup start tok say, di club fall im hand and im no get any respect for Man-U manger, Erik ten hag. Ronaldo wey bi 37 years don readi to lead Portugal for di world cup  wey dey happen for Qatar and e bi like say naim last world cup bi dis. Ronaldo dey always dey happy wen e dey National team Joao Mario wey bi Benfica midfielder tell Reuters afta dia tainig for Lisbon. "I see am yesterday and e dey very fine as e sey always dey" e even tell me say "im happy to dey here" and im focus na on di national team
Read more