Pidgin Sports

As League football don resume, na di games wey dey happen tomorrow, October 1 bi dis. Arsenal       vs                              12:30pm  Tottenham  Liverpool       vs.                             03:00pm Brighton Fulham     vs                                 03:00pm         Newcastle Southampton       vs                               03:00pm Everton Crystal Palace       vs                              03:00pm Chelsea Bournemouth           vs                           03:00pm Brentford Westham     vs.                                 05 :30pm Wolves

 Antonio Conte don tell Tottenham make dem patience wit am di same way wey Arsenal take patient wit Arteta. Even as e bi say Arsenal no qualify for Champions league last season, Arsenal still trust say Arteta go do well and di results don dey show am now. Dem allow Arteta sign players well even as e bi say e no quaify di team for Champions League as Zichenko and Gabriel Jesus dey do well for di team after dem enta from Man-City. Conte like how Arteta dey work and im say e go make sense make Tottenham get clear head about how im wan take rebuild di team. If you see wetin happen for Arsenal, since Arteta don dey, naim dem don dey back di guy. Conte wey im contact go finish for end of season say, e dey always make sense make club and coach dey work togeda as coach need time and patience to perform. Im still tok say di building of di team go make am easy for dem to hustle game wit dem Man-City, Chelsea, Liverpool, even Man-U and Arsenal. Di guy end di whole mata wit say "im like as im

 Man-City don send one of dia professional medic go Norway to go observe Haaland, make dem dey watch dia asset. Haaland start dis season wit Man-City untop beta form as im don already get almost 15 goals for di Premier League Champions. Haaland dey part of di team wey im country call to come play Uefa Nations League wit dem.

 Real Madrid don dey target say dem go sign Haaland for 2024 make dem take replace Kareem Benzema wey bi say e don dey old. Di European Champion don ready to spend €180m to take sign di 22year old wey dey Manchester City. Haaland wey enta Man-City dis summer don already score 14 goals for di 9 Premier League games wey e don play dis season. As PSG star Kylian Mbappe bone dia side, Madrid don change direction to Haaland wey bi forward for Man-City make e bi dia replacement for Benzema. According as  Madrid Universal, yarn  di plan to sign Haaland go happen for 2024 and di money wey go dey uptop di mata go near €180m. Dis mata go fit possible because if Haaland decide to comot Man-City, im termination clause wit Man-City go dey effective from 2024.

 List wey bi say e contain di footballers wey get value pass for di whole world don come out o. Inside dis list so, na Kylian Mbappe and Erling Haaland dey top am. Mbappe wey dey PSG worth £144m as Haaland wey jus join Man City dis summer worth £135m. Na ballers wey dey play for Enlish Premier League full di list as na five of dem for EPL dey di list. Some pipo believe say di 2 footballers wey top dis list, Mbappe and Haaland, go dey likely to replace Messi and Ronaldo for future. Di full list naim bi dis 1. Kylian Mbappe (PSG) - £144m 2. Erling Haaland (Man-City) - £135m 3. Vinicius Junior (Real Madrid) - £108m 4. Pedri (Barcelona) - £81.5m 5. Jude Bellingham (Dortmund) £81.6m 6. Phil Foden (Man-City) £81m 7. Harry Kane (Tottenham) £81m 8. Duncan Vlahovic (Juventus) £77m 9. Bruno Fernandez (Man-United) £77m 10. Kevin De-Bruyne (Man-City) £77m

 Everybody know say quality of coach for any sport team dey determine how team go take do well or do opposite. Some football managers no get job as we dey so afta dia former club sack dem. Zidane dey part of di small numba of coach for world wey nor know how sacking dey bi for bodi. Wen time reach, di man dey always leave by himself. Tuchel naim bi di latest for di list of high profile coach wey dem sack for early September. Make we sharply look at di coaches wey no get work for now. 10. Quique Setien:  Quique Setien neva still get coaching job since Dem sack am for Barcelona 2years ago. Di sacking show immediately after Bayern Munchen flog Barcelona 8-2 for Champions League dat year. 9. Frank de Boer: Frank de Boer coaching career neva really make sense for am. Even as e bi say as player, di guy do well for Barcelona and Ajax Im sef don face some struggle as manager. De Boer still neva see work since 2 years now when dem sack am as Netherlands head coach when e nor qualify dem pass ro

 As we don know say football dey pay well especially as e bi say na big oil company owners, Royal famailies dem, oda  overbig pipo dey buy football clubs now.  Money wey dey football don pass wetin calculator fit calculate as di game don too popular sotey big companies chuk eye dey run sponsorship untop di mata steady. For dis post we go dey show di top 10 footballer for world wey collect money pass both for salary and endorsement deals join. Dis report na from one ogbonge  sports pipo finance analyzer, wey im name bi Kurt Badenhausen of Sportico. Di figures na as Sportico report am for USD. ***All di salary wey dey dis report na yearly***  10. Antoine Griezmann- $27.5m ($22m Salary, $5.5m endorsements) Griezmann dey one kain tight corner now. One clause wey dey di contract wey Atletico sign to take am back from Barcelona ontop loan say if im play pass half of di games wey dey available for di whole two year loan, Atletico go need to pay €40million to sign am permanently. Di clause exp

 For di games wey dem play today for Uefa Nations League. Na di scores as e take happen bi dis so: Austria vs Croatia Croatia wey dey League A don show why dem bi baba o, as Austria collect wotowoto fo dia hand yesterday As Modric open di game wit goal for 6 minutes, Baumgarter for Austria sef return am, di mata con dey tough as no bodi gree bow, but aa e enter 69 minute, Livaja add  Denmark vs France Odogwu nor bi for name alone, na action dey run am pass. Na wetin Denmark show france yesterday bi dat for dia game wey end wit say, France chop beta beating. Dis kain tin no too dey shock again cos na football and anytin fit sup! Netherlands 1:0 Belgium Dem bi no wan gree for each oda unto say, you big, me sef big but las las, na one person bi bigger person. Van Dijk show dem Eden Hazard pipo say na dem bi bigger person o as e run go enta for 73 minutes. Wales 0:1 Poland  Na so   Poland go Wales 'poling' unit go mess dem up for dia. As Poland win dem so, e mean say Wales don rele

 As international break dey so, one game or di oda dey shelle as matches dey between country and country. We go still update una about all di match wey happen on friday and yesterday but before dat one, make we see di ones wey wan happen today. ...For Uefa Nations League: League A, Group 1- Austria vs Croatia go start 7:45pm Denmark vs France go start 7:45pm League A, Group 4- Netherlands vs Belgium go start 7:45pm Wales vs Poland go start 7:45pm League C, Group 1- Faroe Islands vs Turkiye go start for 7:45pm Luxembourg vs Lithuania go start for 7:45 pm League C, Group 3- Azerbaijan vs Kazakhstan go start for 5:00pm Slovakia vs Belarus go start for 5:00pm League D, Group 1- Andorra vs Lativa don start for 2pm so. Moldova vs leichtenstein don start for 2pm so.

 Una go remember say we drop gist about di wahala wey Paul Pogba and I'm broda  dey inside wey don cause plenty gbege as e don drag oda pipo enta di mata. We don receive update now say di mata don thick pass as e bi before as Mattias Pogba wey bi Paul Pogba drop gist even as e bi say e dey inside prison. Mattias release some video still drag Nottingham Forest defender Serge Aurier say na im introduce im broda to di native doctor wey dey collect between €75,000 and €100,000 from Paul Pogba hand, two times a month. As e dey detention sef no stop di guy from dropping gists o. E drop some videos wey some pipo talk say na plan as di video bi like say dem don record am before dem arrest am so. Mattias say Paul don cement im relationship wit di native doctor and dis same native doctor and French international footballer, Allou Diarra, na padi dem bi. "Dis person wey una dey call my broda don align himself wit witchcraft as e don dey follow native doctor and no bi today e start. Di na

 Pierre-Emerick Aubameyang spend 5 years for Arsenal before im enta Barcelona for January dis year afta im wit Arteta get kwanta. E not tey wey e enta Barcelona before di guy run come Chelsea again. Nigel Waterburn wey bi Arsenal hero yarn say im dey hope make Aubameyang struggle for Chelsea wey e come so. Aubameyang Neva register any goal as e don already play 2 match for Chelsea. Aubameyang wey bi say na di day wey transfer dey end Chelsea seal im transfer deal come dia side from Barcelona. As e move come Chelsea, many haters wey bi Arsenal fans con plenty for di guy neck as dem dey feel say im betray dem as e come Chelsea wey bi dia strong rival. Even as e bi say di last days wey di guy bin spend for Arsenal no too sweet cos of di kwanta wit Arteta, many Arsenal fans still bin like am die dat year. Aubameyang bin score 98 goals for 168 matches wey e play wit Arsenal. Waterburn wey no fit hide im vex yarn say im dey really hope and pray make di guy flop for Chelsea. E say na true sa

 We hear gist say Tobi Amusan visit her alma matee, Our Lady of Apostles for ijebu ode today. Students from di school welcome her even pass as dem dey welcome some Presido. She jus dey happy as her face show and her shoe sef shine well well. Di way wey she sing di school anthem, una go tink say she still dey di school as di tin clear for her mouth and she nor forget any for inside. Dem con still welcome am officially join di old students association for di school and after di gbogbo ti gbo, she samma dem wit 1 million naira make dem join take arrange and level and develop di school. Link to one video ontop Twitter as dem welcome her for di school dey here so. Dem welcome Tobi Amusan

 Di new Brexit rule fit affect Thomas Tuchel so as e bi like say na 90 days im get to comot for United Kingdom. Tuchel wey bi say dem sack am for early September con replace am immediately with Graham potter. Di join bodi untop football mata for UK neva decide how Tuchel mata go take bi. Na dem go get final stamp for di mata to know if Tuchel fit stay pass 90 days or not. Di guy dey hope now as e never hear wetin di final decide go bi ontop di mata. Tuchel wey bi German man fit get issue unto di new Brexit rule wey make everybody need visa to work for inside UK. Tuchel bin dey work with one post Brexit governing body endorsement visa but as e bi say dem sack am, im get only 90 days from di day wen dem sack am to comot for di country. Na for January, 2021 dis visa for comot wey tok say every bodi wey go work for UK must get dis particular kpally as e bi say UK don comot for European Union. Tuchel still dey live for London near Cobham wia Chelsea training base dey. Im pikin dem still dey

 One video don dey ontop twittee dey trend wen Ghana take chop confam beating for Brazil hand for 1992 before Olympics. Di game wey dem dem  dat year na friendly match. Ghana and Brazil get sweet football history and di two country don win and lose for each oda hand. Ghana dey prepare as we dey tok so to play Brazil again for friendly match wey go happen before  Qatar 2022  world cup for Le-havre inside France. See the video here. Ghana vs Brazil 1992 Friendly

Weekend don land again o. Na football dey happen for every corner! Dis is weekend na anoda one wey go make sense for di streets of football. Follow us for all di beta tori and action as e dey drop and as e dey hot!

Mattias Pogba wey bi Paul Pogba senior broda and still professional for Guinea football bi like say e dey work wit dem criminal organization. Prosecutors say e dey demand €13million from im broda, Paul Pogba and im twin broda Florentin wey dey play for Indian Super League Club, ATK Mahun Bagan.  Three of dem don land for prison and di last one never evenin show for judge front.  All of dem don deny say dem no kidnap and dem no blackmail but dem gree say dem dey pressure di footballer. Dem still talk say anoda group wey dem no know dey threaten dem wit violence. Dem attack two of di pipo wey dem accuse wey dia name na K. Brodas. Dem shoot one for hand for August. Paul Pogba bin don complain last March for Italy and France say some pipo dey try force am to pay €13million wen dem attack am for Roissy-en-brie for outside Paris. As prosecutors dem tok, two men wey cover face demand €13million for Paul Pogba. For many months, di group don dey harass and pressure di guy sotey last month e sen

 Christiano Ronaldo nor too get luck for dis Man U wey e come dis time so. Since di guy join Man U and especially dis new season, e never dey try as Ronaldo wey we bin know before. Na only 3 match Eric Ten Hag wey bi Man U coach, don use Ronaldo for dis season as im prefer to use Marcos Rashford for front instead. Man U wey bi say na Man City wey bi dia rival dem go meet afta International break finish. Dem don warn Man U say, shi shi una nor go see if Ronaldo still dey dat team.  As e bi say e nor too play game dis season, na only 1 goal Ronaldo don see score against Sheriff Tiraspol for Europa League.

 E shock you?! Na im everybodi dem ask as FIFA '23 no add Messi join di to '5 star sabi men wit skill' untop dia game. Even as every bodi sabi say Messi get ogbonge skill wen ball mata dey involved. For di same mata, Christiano Ronaldo dey second even as e bi say for strength, e no too try. Kylian Mbappe na im bi numba 1 for di mata as Neymar Jnr carry numba 3. Na Ronaldo dey Neymar and Mbappe middle. Messi wey bi say e don turn winch for ball mata unto say im leg dey dey fast wit ball and in front of goal post, im na wizard. If dem dey mention name of players wey sabi dribble pass for world, Na dem Messi, Ronaldinho and oda players wey too sabi dey dey for pipo mouth. Di mata con get as e bi as FIFA no add Messi, wey don win Ballon d'or 7 times join '5-star skillers dem' untop dia game. FIFA '23 go come out on 30th September.  For inside di game so, Messi still dey lead everybodi as im overall rating for di game na 91. Di tin wey shock pass na say Messi arc

 Cesc Fabregas don drop gist ontop Messi mata as e remain small time make Messi contract wit Paris Saint Germain (PSG) expire. We hear say PSG dey hustle to renew Messi contract as e bi say Messi form enter beta gear dis season. But di mata fit hard small as e bi like say Barcelona sef don miss Messi and dem wan make e come back. Messi bi don dey wit Barcelona for almost 20 years before e comot enta PSG for January, 2021. Fabregas wey play wit am for Camp Nou don touchlight as di mata wey concern Messi wit Barca fit bi. Him tok say na Barca hand e dey, and if Dem open mind for di mata, e sure say everytin wey consyn dis mata go sweet las las.

 Carlo Anceloti don yarn say im believe say Barcelona and Atletico Madrid go bi ogbonge rival wit Real Madrid dis season. Real Madrid wey win Atletico 2-1 for dia game wey Dem play for weekend say im believe say Atletico dey strong dis season even as e bi say na numba 7 dem dey for league table. Real Madrid wey bi say na as dem beat Atletico dem push Barcelona comot for first position con sidon like boss.

Di President of Nacional club for Uruguay don confam say Luiz Suarez go comot for dem side before Qatar 2022 go start. Suarez wey score 4 goals for di 8 match wey him bin play for Nacional don ready to play him last World cup game for Qatar. Di before before Barcelona star bin complete signing enta Nacional for july dis year. Di 35year old return go him club wen e dey for young after him deal expire for Atletico Madrid.

 Arsenal coach, Arteta don tok say im get hope say Arsenal go do well for dis season wey we dey so, as Arsenal win dia game yesterday to carry first again for EPL table. Arsenal don get 18 points for di 8 games wey dem don play dis season.  Arteta still tok say, e still tight o, E neva reach to tok say na who go win bi dis or not but im get hope say, Arsenal go do well. For di table now, na Arsenal dey on top wit Manchester City wey bi defending Champion for second wit 17 point, Tottenham sef get 17 points as dem sidon for third position.

 Real Madrid don announce say dem no go like to buy Kylian Mbappe again for future. Di reason for dis decide na sake of say wen dem bi wan buy am dis summer wey jus pass, Mbappe use den do shakara, so unto dat level, dem no go even tink am again for life. Mbappe wey im contract wit PSG go expire for 2025 bin turn down Madrid offer for summer wey pass. Di guy jejely renew im contract wit Paris Saint Germain to dey collect amount wey fit give person high blood pressure wey bi € 150 million euros, every year.

 Tori as e take happen for premiership games dis afternoon. Brentford vs Arsenal Na mature vex Arsenal take enter Brentford dem house dis afternoon. Arsenal, wey bi don start dis season dey flog everybodi before Man U pour sand sand for dia garri, carry di grudge of say Man City dey on top table con naked Brentford dis afternoon. Arsenal don finally go back to di first position wey dey dia mind. We hope say dem go try make am last dis season Na Saliba, Jesus and Vieira join bodi cause di kasala as Bukola Saka assist for di first and last goal.  Everton vs Westham United For di match wey happen for Everton home today, dem use stronghead take win am. Na jus one goal dem see smuggle enta.  Na Maupay make di 'pay'ment wey dem record for Everton to say, na una win di mata. Na as table bi after di match bi dis Na for goal.com dis table from come so .

 News don dey fly around o, say Chelsea new owner, Todd Boehly yarn say den don finally agree to change di name of di club wey e don dey bear for over 118 years now to London Cowboys. From  Go con bi Dis gist don scatter all social media dem including twitter wey e bi like say na dia di tin for hot pass. Oda big club fans don dey laugh Chelsea wit different name, Some say na Cow FC, Maalu FC, Animal FC and different names wey oda fans don plan to dey call Chelsea. According to di gist wey dey fly. Dis name go change from next season wey bi 2023/2024 season, Boehly even add say di stadium name go change to Boehly bowl. If dis name change turn real and dem no roast Chelsea fans especially for we obodo Nigeria, make i know wetin cause am!