Pidgin Sports

 Today na today o as anoda Uefa Champions League match dey happen dis evening across Europe. Different teams go dey hustle points today and tomorrow make dem for join teams wey go qualify go next round. Some teams don get peace of mind as dem don already win 3 games, some mind still wan cut as e bi say dem neva know how tins wan bi. Di games for today na; AC Milan vs Chelsea.    08:00pm Chelsea go go Milan dis evening to see if dem go fit continue dia winning to take move from second to first ontop dia group table as AC Milan sef go try to win make dem sef for fit go up comot for 3rd position PSG vs Benfica.    08:00pm Dia last game, PSG bin dey front until mistake happen and dem score demself own goal to make 1-1 last week. As PSG dey home, dem go try say make dem see 3 points round am up to 10 and Benfica sef no go wan gree. Dortmund vs Sevilla.    08:00pm Dortmund sef go wan nak Sevilla as e bi na na only 1 point sevilla get and na Dortmund house de...

 C.Ronaldo score im 700th club goal on sunday for di goal wey e score against Everton as di guy enta as substitute. Even though di guy neva click well as pipo expect dis season and Man-U coach sef nor too use am, im don break recordnof highest club goals wey anybodi don score. Messi dey im back as na small e remain make Messi sef reach 700 as Messi don score 691 goals. Ronaldo don play plenty club games pass Messi as im don play 942 matches and Messi don play 820 matches. Make we still dey see how e go bi until one of dem retire if di oda one go fit over take am. 

 Di match wey Arsenal and Liverpool play on Sunday bin get small confuse inside around 15mins for inside first half as Liverpool suppose get Penalty but las las, dem no give dem. Liverpool launch penalty appeal afta Gabriel hand touch ball from cross wey Jota run inside box 18. Di referee, Oliver, nor give di penalty even VAR sef support wetin di referee do as Liverpool fans vex say how can? Premier League bodi con release statement as to why e bi say dem no give Liverpool di "penarity" for di match. "Di closeness of players wen one person kick ball to di oda person still dey important to decide if ball na hand ball or not" Wetin e mean bi say, di players dey too close, e no get way wey di oda person fit dodge di ball, so becos of dat, di ball no bi penalty

 No bi small mata as e bi like say dis top position wey Arsenal dey don dey real o. Man-U sef dey show say, dem don dey wake up afta Man-City bin give dem uppercut last weekend. Na di results of di games bi dis plus highlights. Arsenal vs Liverpool. Dis game tight yesterday as Arsenal open di floor for Emirates stadium wit goal from Martinelli for first minute. Liverpool equalize di goal as  Nunez score for 34 mins. As if say dat one nor reach, Bukayo Saka score anoda 1 before half time break. For 53 mins, Firmino equalize again for Liverpool. Ha?! Nobodi wan gree! Na so Saka drop very hot puff puff inside Liverpool pocket as penalty sup for dem. Na dat one Liverpool do do, dem no see am do finish wey con make game end for 3-2. Everton vs Man-U Everton see wetin Arsenal do for dia home yesterday, dem sef wan try am wit Man-U. For 5 mins na so  Iwobi go score o.  Man-U shock! As di game enta 15mins, Antony score. Everton bodi rest.  Anotony con get injury inside ...

 Christiano Ronaldo don prove am again say im na on of di goal scorers wey get level pass since ball mata start for dis life. Im show am for dia match against Everton on Sunday wen Ronaldo score to make im club goals 700. Im score for 44 mins inside di game to make sure say Man-U dey Infront. Dis goal na Ronaldo second goal for dis season and I'm first goal for Premier League dis season as di season neva really favor di guy like dat. Di guy no really dey dey game as Man-U coach, Ten Hag, no really dey use am for inside match. Even for dis match so wey dem go Everton go play, Ronaldo no start, na Anthony Martial wey dem remove unto say di guy collect injury make Ronaldo fit enta and di enta wey im enta con make sense. Afta game start for 5 mins, Iwobi bin score for Everton as e con bi like say na beating Man-U go collect. Anthony score for 15minute and Ronaldo seal am for 44mins. Fans and everybodi wey concern don dey congratulate Ronaldo since.

For di matches wey dem play fo EPL today, almost all di teams wey dey for home win dia game wit plenty goals sef. Na only one team dem con beat for home. Na di results bi dis: Chelsea vs Wolves Since Chelsea don change dia Manager e bi like say dia game improve as dem don dey show dia muscle well. Anoda win for dem na today wey dem crush Wolves 3-0 dis afternoon for Stamford Bridge.  Na Harvetz, Pulisix and Broja gather bodi do Wolves strong tin. Newcastle vs Brentford Today na shower of goals for teams wey dey home as Newcastle no get pity untop Brentford at all. Newcastle first drop 2 goals before Brentford return 1.  Na wetin vex Newcastle to add anoda 2 join before Pinnock score own goal against him team (Brentford) to make di goals con bi 5-1. Bournemouth vs Leicester Leicester dey part of di teams wey see shege today.   Leicester wey bi say na dem first score for 10 mins for di game collect 2 goals for Bournemouth hand for inside second half. Di game finally en...

 Di Super Eagles of Nigeria don drop go down by 1 for di latest ranking wey FIFA drop. Nigeria dey numba 4 for Africa as dem dey back of Tunisia, Morocco and Senegal. Naija coach, Jose Peseiro wit im boys go face Portugal and Costa Rica for November for international friendly match. Nigeria wey drop from 31 position to 32 for di latest ranking wey FIFA put untop dia website  on Thursday, October 6. Nigeria wey bi African Champions 3 times drop for dis ranking small time afta dem lose 2-1 give Algeria for dia last game. Nigeria bin start di game wit beta moraleas dem first score 1 before dem con dull allow Algeria equalize con still win dem join. Senegal wey bi current champions for Africa dey numba 18 for di ranking.